HEMOFİLİYA VƏ DİGƏR QAN XƏSTƏLİKLƏRİNDƏN ƏZİYYƏT ÇƏKƏN PASİENTLƏRİN STOMATOLOJİ MÜALİCƏSİ ÜÇÜN MİLLİ HEMATOLOGİYA VƏ TRANSFUZİOLOGİYA MƏRKƏZİ MÜASİR AVADANLIQLA TƏCHİZ OLUNMUŞDUR.

28 aprel 2022 il tarixdə Hemofiliyalı Xəstələrin Respublika Assosiasiyasının təşkilatçılığı ilə Milli Hematologiya və Transfuziologiya Mərkəzində keyfiyyətli stomatoloji xidmət üçün müasir avadanlıqla təchiz edilmiş kabinetin açılış mərasimi keçirilmişdir.

Tədbirdə TƏBİB-in tibbi fəaliyyətin təşkili departamentinin Multidisiplinar Tibbi xidmətin təşkili şöbəsinin əməkdaşı Ceyran Abdullayeva, Milli Hematologiya və Transfuziologiya Mərkəzinin direktoru Valeh Hüseynov, həkim stomatoloq Abbas Abdullayev, Hemofiliyalı Xəstələrin Republika Assosiasiyasının sədri Ayaz Hüseynov, sədr müavini Yeganə Tağıyeva, icraçı direktor Gülnarə Hüseynova və pasientlər iştirak etmişlər.
Valeh Hüseynov çıxışında demişdir: Novo Nordisk Hemofiliya Fonduna və Hemofiliyalı Xəstələrin Respublika Assosiasiyasına təşəkkürümü bildirmək istəyirəm ki, xəstələrə göstərilən müasir səviyyədə bu stomatoloji xidmət bir örnəkdir. Düşünürəm ki, bu gün müzakirə etdiyimiz problemlərdə zamanla öz əksini tapacaq və faktor preparatları ilə təminat Mərkəzdə, bölgələrdə, rayonlarımızda ən yaxşı səviyyədə olacaq. Laborator diaqnostokada ən yaxşı səviyyədə olacaq. Sadəcə buna doğru getmək lazımdır və düşünürəm ki , uğur olacaq. Xeyirli uğurlu olsun.

Qeyd edək ki, hal hazırda Novo Nordisk Hemofiliya Fondunun dəstəyi ilə Hemofiliyalı Xəstələrin Respublika Assosiasiyası 3 illik (2022-2024 illər) Partnyor Proqramı həyata keçirir.

#Səhiyyə #Sağlamlıq #Pasient #Hematologiya #MilliHematologiya #Hemofiliya #Hemophilia #HemofiliyaAzərbaycan #TƏBİB #HemofiliyalıXəstələrinRespublikaAssosiasiyası