8 avqust 2022-ci il tarixində "MÜALİCƏNİN ƏLÇATANLIĞININ HAMI ÜÇÜN OLMASINA DOĞRU " adlı HEMOFİLİYA MƏKTƏBİNİN bu ilə olan ilk təlimi keçirildi.

Hepatit virusları haqqında məlumatlandırma, müalicə və profilaktikaya dair təlimləri həkim qastroenteroloq-hepatoloq Dr. Rəksanə Cəlilova keçirdi.

Təlimdə hemofiliya və digər laxtalanma pozğunluğundan əziyyət çəkən pasientlər, kiçik yaşlı uşaqların valideynləri , habelə "Leykeniya ilə mübarizə" ictimai birliyinin sədri Mehriban Bağırova iştirak etmişlər.

Təlim zamanı Dr. Rəksanə Cəlilova tərəfindən Hepatit A, B, C, D, E viruslarına dair ətraflı məlumat verdi. Xüsusi olaraq hepatitlərin simptomatikası, törətdiyi fəsadlar, müalicə və hepatit B vurusuna qarşı peyvəndin edilməsinin vacibliyi haqda məlumat verilmişdir.

Təlim sonunda iştirakçıların suallarına ətraflı olaraq təlimçi həkim Qastroenteroloq-hepatoloq Dr. Rəksanə Cəlilova və moderator Hemofiliyalı Xəstələrin Respublika Assosiasiyasının sədri Ayaz Hüseynov cavablandırmışlar.