29 iyun-2 iyul 2017 tarixdə Hemofiliyalı Xəstələrin Respublika Assosiasiyasının İcraçı direktoru, Pasient Təşkilatlar İttifaqının sədri Ayaz Hüseynov və hemofiliya geninin daşıyıcıları, qanaxmalara məruz qalan qadın və qızlarla iş üzrə koordinatoru Mədinə Hüseynova özündə 44 ölkəni birləşdirən Avropa Hemofiliya Konsorsiumunun Belçika, Brüssel şəhərində keçirilən Liderlər konfransında iştirak etmişdir. Konfransda əsasən tibbin son nəaliyyətləri müzakirə olunmuşdur. Problemlər və problemlərin həlli yolları barədə təcrübə mübadiləsi aparılmışdır. Aşağıda göstərilən mövzular daha çox diqqətdə olmuşdur:
– Gen terapiyası
– Qadınlar və qızlarda koaqulopatiyalar (qanda laxtalanma pozuntuları)
– Hemofiliya diaqnozu olan insanlarda qocalıq ağırlaşmaları.
– Müasir dərmanların təsiri altında qanın laxtalanma vaxtının uzadılma nailiyyətləri və sair.
Qeyd elilən mövzular ətrafında Azərbaycanda hemofiliyalılara və onların ailə üzvlərinə seminarların keçirilməsi planlaşdırılır.